Keys: DISKONT qanday qilib ATMOS bilan birga texnikani bo‘lib to‘lash orqali savdoni yo‘lga qo‘ydi

Bir necha yil oldin O‘zbekistondagi eng yirik elektronika va maishiy texnika chakana sotuvchilaridan biri bo‘lgan DISKONT tarmog‘i xaridorlari "Bo‘lib to‘lash mumkinmi?" deb so‘rashardi. Bugungi kunda respublika bo‘ylab 25 dan ortiq do‘koni mavjud bo‘lgan kompaniya talab ortib borayotganini tushunardi va mijozlarga qulay servisni taklif qilmaslik strategik xato bo‘lar edi.

DISKONT doimo raqobatchilaridan bir qadam oldinda bo‘lishga va zamonaviy xaridor kutayotgan servisini taqdim etishga intilgan. Ammo chiroyli g‘oyaning ortida achchiq haqiqat yashiringan edi: o‘z kuchi bilan bo‘lib to‘lashni yo‘lga qo‘yish ko‘p qiyinchiliklarni va qo‘lda bajariladigan katta hajmdagi ishlarni olib keldi.

«Qo‘lda bo’lib to‘lash» muammosi

Dastlab kompaniya bo‘lib to‘lash xizmatini ichki resurslar orqali, avtomatlashtirilgan yechimsiz yo‘lga qo‘yishni harakat qilgan edi. Xarid jarayonlari do‘konlarda rasmiylashtirilar, xodimlar barcha ma’lumotlarni Excel jadvallariga qo‘lda kiritib, mijozlarning to‘lov qobiliyati va hujjatlarini tekshirib, bir vaqtning o‘zida o‘nlab shartnomalarni yuritib, mijozlarga to‘lov muddati haqida qo‘ng‘iroqlar orqali eslatib turishar edi. Bu qog‘ozda oson ko‘ringan jarayon amalda murakkabliklarga olib keldi.
 

Aslida hayotda xodimlar tekshiruvlarga juda ko‘p vaqt sarflashgan, biroq tizim shaffof ham, barqaror ham bo‘lmagan. Mijozlarni tekshirish aniq mezonlarga asoslanmagan, ko‘proq sezgi asosida bajarilar, bu esa pul qaytmaslik xavfini oshirgan edi. Kechiktirilgan to’lov tobora ko‘payar, xodimlarga tushadigan yuklama esa ortib borar edi. Xodimlar cheksiz qo‘ng‘iroqlar va qo‘lda hisob-kitobdan charchab ketar, mijozlar esa kerakli darajadagi servisni olishmasdi.

 «Biz mijozlarga DISKONT har doim intilib kelgan darajadagi servisini bera olmayotganimizni tushundik», — deya eslaydi savdo bo‘limi rahbari.

Yechim izlash va ATMOS bilan tanishish

DISKONT rahbariyati yangi maqsad qo‘ydi — muddatli to’lov  jarayonini yangicha tarzda yo‘lga qo‘yadigan hamkor topish: avtomatlashtirilgan, xavfsiz, qulay va xodimlar resurslarini ortiqcha sarflamaydigan. Fintex-yechimlar bozorini tahlil qilgandan so‘ng, tanlov ATMOS to‘lov tashkilotiga tushdi.

Boshidanoq ATMOS jamoasi nafaqat texnologiya taklif etayotganini, balki haqiqiy hamkor bo‘layotganini ko‘rish mumkin edi. ATMOS jamoasi DISKONT jarayonlarini chuqur o‘rgandi, biznes ehtiyojlarini diqqat bilan tingladi, joriy etish yo‘l xaritasini tuzishda yordam berdi va xodimlarni o‘qitdi. Bizni loyihaning har bir bosqichida hamroh qilishdi, tafsilotlarni tushuntirishdi, savollarni yechishdi va paydo bo‘layotgan qiyinchiliklarni tez hal qilishda yordam berishdi.

«Biz uchun texnologiyani sotib olish emas, balki haqiqatan ishlaydigan yechimni joriy etish muhim edi. Tijorat direktori Safaboyev Oybek va butun ATMOS jamoasining yondashuvi hal qiluvchi omil bo‘ldi», — deya ta’kidlashadi DISKONTda.

Joriy etish

Integratsiya jarayoni kutilmagan darajada tez va biznes uchun og‘riqsiz o‘tdi. Atigi bir necha kunda ATMOSning tayyor yechimi kompaniya jarayonlariga kiritildi. Endi tizim mijozning to‘lov qobiliyatini avtomatik ravishda tahlil qilardi, bu pul qaytarmaslik xavfini kamaytirardi, yechib olish esa xodimlar yoki mijozlarning ishtirokisiz, o‘z vaqtida amalga oshardi. Mijozlar qulay sms va push-eslatmalar olishar, o‘z majburiyatlaridan doim xabardor bo‘lishar, DISKONT xodimlari esa shaffof statistikaga ega bo‘lib, barchasini bitta qulay kabinetdan boshqarishar edi.

Bundan tashqari, xodimlar o‘rgatilgandan so‘ng ATMOS yechimining to‘liq salohiyati namoyon bo‘ldi.  Ular tushunarli interfeyslar bilan ishlashni boshlashdi, real vaqt rejimida barcha asosiy ko‘rsatkichlar aks etardi. ATMOS grafiklari, hisobotlari va boshqaruv panellari muddatli to‘lovlar va to‘lovlar dinamikasini tom ma’noda "kaftda" ko‘rish imkonini berdi, bu esa jarayonlarni nazorat qilishni nafaqat qulay, balki ko‘zga ko‘rinarli qildi.

Xavfsizlikka alohida e’tibor qaratildi. ATMOS xalqaro PCI DSS 4.0.1 standartlariga to‘liq mos keladi, kartalar va shaxsiy ma’lumotlarning ishonchli himoyasini ta’minlaydi, muntazam auditlardan o‘tadi va 99,98% darajada barqaror operatsiyalarni kafolatlaydi.

Natija

Bir necha oy o‘tgach, qaror o‘zini to‘liq oqlagani ma’lum bo‘ldi. Tarmoq savdosi sezilarli darajada oshdi, chunki mahsulotni muddatli to‘lovga sotib olish imkoniyati mijozlar uchun DISKONTni tanlash foydasiga qo‘shimcha dalil bo‘ldi.  Avtomatik to‘lovlar va eslatmalar tufayli kechikishlar soni bir necha barobar kamaydi, xodimlar esa odatiy va zerikarli ishlardan xalos bo‘lishdi. Endi ular haqiqatan ham muhim bo‘lgan narsaga - sifatli xizmat ko‘rsatish va xizmatni rivojlantirishga e’tibor qaratishlari mumkin edi.

Mijozlar uchun bo‘lib to‘lash qulay va shaffof vositaga, kompaniya uchun esa ishonchli va daromadli jarayonga aylandi. Brendga bo‘lgan ishonch sezilarli darajada oshdi, DISKONTning imiji esa ham xaridorlar, ham bozor oldida mustahkamlandi.

«Bugun bizda muddatli to’lov — bu oddiy. Endi biz mijozga to‘lovni eslatish yoki uning to‘lov qobiliyatini tekshirish haqida o‘ylamaymiz. Barchasini ATMOS qiladi», — deb  DISKONT menejeri bo’lishadi .

Xulosa

DISKONT tajribasi shuni ko‘rsatdiki — to‘g‘ri fintex-hamkor hatto eng murakkab va mehnat talab qiladigan jarayonni ham raqobat ustunligiga aylantira oladi.

ATMOS bilan hamkorlik nafaqat bo‘lib to‘lashni joriy etishga, balki kompaniya servisni yangi darajaga olib chiqishga imkon berdi — bu mijozlar uchun qulay, biznes uchun shaffof va har bir bosqichda xavfsiz.

Bugun DISKONT endi cheksiz jadvallar, telefon qo‘ng‘iroqlari va qo‘lda solishtirishlarni esla olmaydii — endi bu davrlar ortda qoldi. Tarmoqning kelajagi — bu avtomatlashtirilgan xizmat va ATMOS bilan qulay bo‘lib to‘lash asosidagi xaridlar.